Aakalimo yomOmatando inaya a dha etsokumwe naMuni gwaNgwediva
Sha landula oolopota dha piti miikundaneki kutya aakalimo yomOmatando nElelo lyaMuni gwaNgwediva oya a dha etsokumwe kombinga yetulo meni lyoongamba dhondoolopa omudhingoloko ngoka, aakwashigwana oya ningi omutumba mehuliloshiwike taya popi kutya inaya a dha etsokumwe nelelo lyondoolopa ndjoka.
Aakalimo oya popi kutya kape na etsokumwe lya adhika nelelo lyondoolopa ndjoka, na inali pumbwa okugandja uuyelele wa puka moshigwana.
Oya popi kutya ngele ope na etsokumwe nena elelo lyondoolopa olya pumbwa oku ya ulukila etsokumwe ndyoka. Aakwashigwana oya holola woo kutya itaya ka pitika etulo meni lyoongamba dhondoolopa omudhingoloko gwawo, omanga inaya pewa iifuta yi li pauyuuki, taya pula kutya omolwashike elelo lyondoolopa ndjoka lya hala okutula meni lyondoolopa yawo omudhingoloko gwawo, omanga inali futa natango aakwashigwana.
“Evi ndyoka kali shi lyondoolopa ihe olyaakalimo yomOmatando nongele elelo lyondoolopa olya hala okukutha ko evi ndyoka , nena oli na okufuta aakwashigwana ngaashi hashi ningwa….shoka elelo lyaNgwediva tali ningi itashi endele pamwe nompango,” omunamukunda gumwe a a lombwele oshifokundaneki shoNamibian Sun.
Omupopiliko gwondoolopa yaNgwediva, Jackson Muma okwa lombwele oNamibian Sun kutya efuto lyaakwashigwana mboka otali ka ningwa tali endele pamwe netulo lyondoolopa ndjoka moongamba dhondoolopa yaNgwediva.
Sho a pulwa ngele otashi ka ningwa tashi endele pamwe nompango ndjoka tayi pula efuto lyaakwashigwana uuna taya kuthwa omahala gawo, Muma okwa popi kutya omulandu ngoka itagu utha kutya aantu naya futwe tango omanga inaya kuthwa pomahala gawo.
Sho Muma a pulwa ngele elelo lyondoolopa oli na tuu iiyemo tayi vulu okufuta aakalimo yomomudhingoloko ngoka, okwa yamukula kutya iiyemo otayi vulu okumonika.
Omatando 1, 2 no 3 Omatando oga ningi oshitopolwa shondoolopa yaNgwediva, okupitila momushangwa gwopapangelo gwonomola 5038 gwomwedhi Sepetemba gwo2012, gweendele pamwe nompango yomalelo goondooloa onti-23 yomo-1992.
Omudhingoloko ngoka otagu yi oshinano shookilometa 8 monooli yondoolopa na oya kwatelamo omikunda ngaashi Oupumako, Okatope, Omusheshe, Okaandje, Okahenge, ombinga yOndjodjo, Oshidhilaadhila, Omayango nOhendjele.
Ongwediva Town Council oyiikalekela oshimaliwa shooN$800 000 momumvo gwoshimaliwa gwo2016/2017 niimaliwa mbyoka oya nuninwa elundulukilo lyomukunda ngoka mondoolopa.
Omwedhi gwa piti, elelo lyondoolopa ndjoka olya tseyithile aakalimo yomOmatando kutya inaya pitikwa okutunga omatungo gawo sigo omwedhi Januari 2018.
KENYA KAMBOWE
Oya popi kutya ngele ope na etsokumwe nena elelo lyondoolopa olya pumbwa oku ya ulukila etsokumwe ndyoka. Aakwashigwana oya holola woo kutya itaya ka pitika etulo meni lyoongamba dhondoolopa omudhingoloko gwawo, omanga inaya pewa iifuta yi li pauyuuki, taya pula kutya omolwashike elelo lyondoolopa ndjoka lya hala okutula meni lyondoolopa yawo omudhingoloko gwawo, omanga inali futa natango aakwashigwana.
“Evi ndyoka kali shi lyondoolopa ihe olyaakalimo yomOmatando nongele elelo lyondoolopa olya hala okukutha ko evi ndyoka , nena oli na okufuta aakwashigwana ngaashi hashi ningwa….shoka elelo lyaNgwediva tali ningi itashi endele pamwe nompango,” omunamukunda gumwe a a lombwele oshifokundaneki shoNamibian Sun.
Omupopiliko gwondoolopa yaNgwediva, Jackson Muma okwa lombwele oNamibian Sun kutya efuto lyaakwashigwana mboka otali ka ningwa tali endele pamwe netulo lyondoolopa ndjoka moongamba dhondoolopa yaNgwediva.
Sho a pulwa ngele otashi ka ningwa tashi endele pamwe nompango ndjoka tayi pula efuto lyaakwashigwana uuna taya kuthwa omahala gawo, Muma okwa popi kutya omulandu ngoka itagu utha kutya aantu naya futwe tango omanga inaya kuthwa pomahala gawo.
Sho Muma a pulwa ngele elelo lyondoolopa oli na tuu iiyemo tayi vulu okufuta aakalimo yomomudhingoloko ngoka, okwa yamukula kutya iiyemo otayi vulu okumonika.
Omatando 1, 2 no 3 Omatando oga ningi oshitopolwa shondoolopa yaNgwediva, okupitila momushangwa gwopapangelo gwonomola 5038 gwomwedhi Sepetemba gwo2012, gweendele pamwe nompango yomalelo goondooloa onti-23 yomo-1992.
Omudhingoloko ngoka otagu yi oshinano shookilometa 8 monooli yondoolopa na oya kwatelamo omikunda ngaashi Oupumako, Okatope, Omusheshe, Okaandje, Okahenge, ombinga yOndjodjo, Oshidhilaadhila, Omayango nOhendjele.
Ongwediva Town Council oyiikalekela oshimaliwa shooN$800 000 momumvo gwoshimaliwa gwo2016/2017 niimaliwa mbyoka oya nuninwa elundulukilo lyomukunda ngoka mondoolopa.
Omwedhi gwa piti, elelo lyondoolopa ndjoka olya tseyithile aakalimo yomOmatando kutya inaya pitikwa okutunga omatungo gawo sigo omwedhi Januari 2018.
KENYA KAMBOWE
Comments
Namibian Sun
No comments have been left on this article