Aailongi taya nyenyetela NAM-MIC
Elelo lwolutu talu kalelepo aailongi moshiputudhilo shoNamibia Science and Technology (Nust) olya popi kutya oNamibia Students Financial Assistance Fund (NSFAF) okupitila metsokumwe lya wo lyokakalata koNamibia Financial Solutions (NFS) NAM-MIC otaya nana noonkondo aailongi iifuta yomayakulo.
Mboka oya gandja olopota dhomayalulo gombaanga dhaailongi o-13 opo dhi konaaakomwe. Olutu ndoka olwa mono kutya ombaanga otayi nana noonkondo aailongi mboka haya longitha okakalata kaNAM-MIC.
Omupresidende gwolutu olukalelipo lwaailongi moNust, Oscar Mwandingi okwa popi kutya oya dhidhilike kutya iifuta mbyoka tayi nanwa aailongi kuNAM-MIC oyi li pombanda noonkondo.
“Otwa mono kutya iifuta yopuushina wokunana iimaliwa kayi thike pamwe na oya yooloka kaiilongi nonando oya nana iimaliwa yi thike pamwe.”
Sho ya gandja olopota yiifuta mbyoka koNamibia Financial Institutions Supervisory Authority (Namfisa) SRC oya mono mokambo komauyelele kombinga yiifuta yaNAM-MIC , kutya oha nana oopresenda 1.5 komwaalu gwiimaliwa tayi nanwa pokashina kehe kombaanga yaBank Windhoek niifuta mbyoka oyi li pokati koo N$4.60 oshowo pokati N$27.
Oya mono woo natango kutya NAM-MIC oha nana oopresenda 0.75 okuza pooN$2.60 sigo opoo-N$25 uuna taku nanwa taku longitha iitayi yoostola mbyoka ha longele kumwe nayo.
Mwandingi okwa popi kutya omwiilongi gumwe okwa nyenyeta kutya oakaunda ye oya longithwa okulanda iifuta yomadhengo gongodhi yopeke omanga oakaunda ye itayi vulu okuza oshimaliwa molwaashoka okwa adha omwaalu ngoka e na okulongitha komwedhi.
Aaiilongi yaali mboka ayehe ya nana oshimaliwa shooN$3 000 oya nanwa iifuta yayooloka sho gumwe a nanwa ooN$27 omanga mukwawo a nanwa ooN$27. Omwiilongi ngoka a nana oN$1 900 okwa nanwa ooN$29 omanga yalwe yaali mboka ya ooN$2 000 ya nanwa ooN$27 no-N$29. Omakonaakono ga ningwa koSRC oga holola natango kutya aailongi yaali mboka ya nana oshimaliwa shooN$100 oya nanwa ooN$4 nooN$5.
NAM-MIC okwa gwedhele iifuta ye yonanano giimaliwa mesiku lyotango lyaJuli omvula ya piti, mbyoka yi li miilonga sigo omomasiku 30 gaJune nuumvo. Omanano piitayi yoostola dhe oge li poopresenda 0.9 niifuta yi li pokati koo2.75 oshowo N$ 25. Omanano taga ninglwa puushina wiimaaliwa wombaanga yoBank Windhoek ogwa gwedhelwa noopresenda 1.8 niifuta oyi li pokati kooN$ 5.50 noN$ 29.50.
Mwandingi okwa popi kutya aailongi inaya tseyithilwa kombinga yiifuta mbyoka iipe.
Mendindjela gwiilonga moNAM-MIC, Joseph Nitzborn okwa popi kutya aailongi oya tseyithilwa pethimbo lyomahwahwameko ga ningilwa moshiputudhilo shaNust oshowo komapandja gomakwatathano gopainternet.
“Ohatu ningi omahwahwameko kehe omvula na ohatu gandja uufo womauyelele kaiiongi miiputudhilo. Ohatu ningi woo omatseyitho kepandja lyetu lyoFacebook,” Nitzborn ta ti.
Mwandingi okwa pula woo kutya omolwashike iifuta mbyoka tayi nanwa aailongi ya yooloka nonando otaya nana omwaalu gumwe oshowo kutya iifuta yimwe oya pitilila oshimaliwa shooN$27 na itashi tsu kumwe nomauyelele giifuta yawo.
Mwandingi okwa popi kutya oya tokola okuninga omakonaakono sho aailongi oyendji ya nyenyeta kombinga yiifuta yaNAM-MIC, na okwa popi kutya aailongi ayehe mboka taya mono omayakulo giifuta yomailongo gawo okuza koNSFAF otaya dhenga ya luluma kiifuta yaNAM-MIC.
Mwandingi okwa popi kutya otaya gandja iiwike iyali kuNamfisa naNSFAF opo ya gandje omayamukulo komanyenyeto ngoka nuuna ya ndopa nena aailongi otaya ka hwika po uukalata wawo wombaanga ndjoka.
Nitzborn, okwa pataneke omapopyo kutya otaya nana aailongi iifuta yi li pombanda na okwa popi kutya itaya vulu okwiikolelela momapopyo ngoka ga ningwa molwaashoka inaku gandja omasiku kutya omanano ngoka oga ningwa uunake. Natango okwa tindi woo kutya otaku ningwa omanano okuza kooakaunda dhaaiilongi, pwaahena na omapitikilo gawo. Okwa popi kutya omukalo gwombaanga ndjoka ogwa gamenwa na itashi vulika omuntu gulwe a nane koakaunda yamukwawo, molwaashoka uukalata oshowo omayakulo gokoongodhi oga gamenwa noonomola dhomeholamo dhoka hadhi kala owala dhi shiwike kumwene gwoakaounda.
SHONA NGAVA
Mboka oya gandja olopota dhomayalulo gombaanga dhaailongi o-13 opo dhi konaaakomwe. Olutu ndoka olwa mono kutya ombaanga otayi nana noonkondo aailongi mboka haya longitha okakalata kaNAM-MIC.
Omupresidende gwolutu olukalelipo lwaailongi moNust, Oscar Mwandingi okwa popi kutya oya dhidhilike kutya iifuta mbyoka tayi nanwa aailongi kuNAM-MIC oyi li pombanda noonkondo.
“Otwa mono kutya iifuta yopuushina wokunana iimaliwa kayi thike pamwe na oya yooloka kaiilongi nonando oya nana iimaliwa yi thike pamwe.”
Sho ya gandja olopota yiifuta mbyoka koNamibia Financial Institutions Supervisory Authority (Namfisa) SRC oya mono mokambo komauyelele kombinga yiifuta yaNAM-MIC , kutya oha nana oopresenda 1.5 komwaalu gwiimaliwa tayi nanwa pokashina kehe kombaanga yaBank Windhoek niifuta mbyoka oyi li pokati koo N$4.60 oshowo pokati N$27.
Oya mono woo natango kutya NAM-MIC oha nana oopresenda 0.75 okuza pooN$2.60 sigo opoo-N$25 uuna taku nanwa taku longitha iitayi yoostola mbyoka ha longele kumwe nayo.
Mwandingi okwa popi kutya omwiilongi gumwe okwa nyenyeta kutya oakaunda ye oya longithwa okulanda iifuta yomadhengo gongodhi yopeke omanga oakaunda ye itayi vulu okuza oshimaliwa molwaashoka okwa adha omwaalu ngoka e na okulongitha komwedhi.
Aaiilongi yaali mboka ayehe ya nana oshimaliwa shooN$3 000 oya nanwa iifuta yayooloka sho gumwe a nanwa ooN$27 omanga mukwawo a nanwa ooN$27. Omwiilongi ngoka a nana oN$1 900 okwa nanwa ooN$29 omanga yalwe yaali mboka ya ooN$2 000 ya nanwa ooN$27 no-N$29. Omakonaakono ga ningwa koSRC oga holola natango kutya aailongi yaali mboka ya nana oshimaliwa shooN$100 oya nanwa ooN$4 nooN$5.
NAM-MIC okwa gwedhele iifuta ye yonanano giimaliwa mesiku lyotango lyaJuli omvula ya piti, mbyoka yi li miilonga sigo omomasiku 30 gaJune nuumvo. Omanano piitayi yoostola dhe oge li poopresenda 0.9 niifuta yi li pokati koo2.75 oshowo N$ 25. Omanano taga ninglwa puushina wiimaaliwa wombaanga yoBank Windhoek ogwa gwedhelwa noopresenda 1.8 niifuta oyi li pokati kooN$ 5.50 noN$ 29.50.
Mwandingi okwa popi kutya aailongi inaya tseyithilwa kombinga yiifuta mbyoka iipe.
Mendindjela gwiilonga moNAM-MIC, Joseph Nitzborn okwa popi kutya aailongi oya tseyithilwa pethimbo lyomahwahwameko ga ningilwa moshiputudhilo shaNust oshowo komapandja gomakwatathano gopainternet.
“Ohatu ningi omahwahwameko kehe omvula na ohatu gandja uufo womauyelele kaiiongi miiputudhilo. Ohatu ningi woo omatseyitho kepandja lyetu lyoFacebook,” Nitzborn ta ti.
Mwandingi okwa pula woo kutya omolwashike iifuta mbyoka tayi nanwa aailongi ya yooloka nonando otaya nana omwaalu gumwe oshowo kutya iifuta yimwe oya pitilila oshimaliwa shooN$27 na itashi tsu kumwe nomauyelele giifuta yawo.
Mwandingi okwa popi kutya oya tokola okuninga omakonaakono sho aailongi oyendji ya nyenyeta kombinga yiifuta yaNAM-MIC, na okwa popi kutya aailongi ayehe mboka taya mono omayakulo giifuta yomailongo gawo okuza koNSFAF otaya dhenga ya luluma kiifuta yaNAM-MIC.
Mwandingi okwa popi kutya otaya gandja iiwike iyali kuNamfisa naNSFAF opo ya gandje omayamukulo komanyenyeto ngoka nuuna ya ndopa nena aailongi otaya ka hwika po uukalata wawo wombaanga ndjoka.
Nitzborn, okwa pataneke omapopyo kutya otaya nana aailongi iifuta yi li pombanda na okwa popi kutya itaya vulu okwiikolelela momapopyo ngoka ga ningwa molwaashoka inaku gandja omasiku kutya omanano ngoka oga ningwa uunake. Natango okwa tindi woo kutya otaku ningwa omanano okuza kooakaunda dhaaiilongi, pwaahena na omapitikilo gawo. Okwa popi kutya omukalo gwombaanga ndjoka ogwa gamenwa na itashi vulika omuntu gulwe a nane koakaunda yamukwawo, molwaashoka uukalata oshowo omayakulo gokoongodhi oga gamenwa noonomola dhomeholamo dhoka hadhi kala owala dhi shiwike kumwene gwoakaounda.
SHONA NGAVA
Comments
Namibian Sun
No comments have been left on this article