A tulwa miipandeko ta gandja oonzapo dhomashasho dhiikengelela
LEANDREA LOUW
WALVIS BAY
Oshilyo shetanga lyegameno ano oNamibia Defence Force (NDF), shoka tashi lundililwa okukengelela aantu iimaliwa yawo, osha holoka mompangulilo yamangetrata gwaMbaye mOmaandaha.
Jeremia Haikwuyu (40) okwa tulwa miipandeko mEtitano lyapiti, ta tamanekelwa uulingilingi.
Omupeha komufala, Erastus Iikuyu, gwopolisi mErongo okwa popi kutya omutamanekwa okwa tulilwa miipandeko moTutaleni moKuisebmund lwopotundi onti 16:00, omanga aadhika ta kengelele aantu iimaliwa yawo.
Okwa popi kutya ota ningi ootundi dhomashasho nomakoleko dhiifundja nokugandja oonzapo dha dhengwa oshihako shoNDF. Oshihako, oonzapo oshowo oshimaliwa shomwaalu gwoN$1 600, okwe yi kuthwa.
Omufali gwiihokolola kompangu gwepangelo, Tuihaleni Hilikuete okwa tindi egandjo lyomboloha komutamanekwa.
Haikwuyu okwa popi kutya otiikalelepo yemwene sigo ethimbo ndyoka a mono kutya ota vulu okumona omukalelipo gwopaumwene.
Oshipotha osha undulilwa komasiku 20 gaJuli, opo ku vule okugandjwa ompito keningo lyomakonaakono.
“Omakonaakono ogeli ponkatu yopetameko natango, nesiku to ya oto vulu okuninga eindilo lyoye, sigo oompoka oto kala modholongo,” Mangetrata Vicky Nickolaidis a popi.
WALVIS BAY
Oshilyo shetanga lyegameno ano oNamibia Defence Force (NDF), shoka tashi lundililwa okukengelela aantu iimaliwa yawo, osha holoka mompangulilo yamangetrata gwaMbaye mOmaandaha.
Jeremia Haikwuyu (40) okwa tulwa miipandeko mEtitano lyapiti, ta tamanekelwa uulingilingi.
Omupeha komufala, Erastus Iikuyu, gwopolisi mErongo okwa popi kutya omutamanekwa okwa tulilwa miipandeko moTutaleni moKuisebmund lwopotundi onti 16:00, omanga aadhika ta kengelele aantu iimaliwa yawo.
Okwa popi kutya ota ningi ootundi dhomashasho nomakoleko dhiifundja nokugandja oonzapo dha dhengwa oshihako shoNDF. Oshihako, oonzapo oshowo oshimaliwa shomwaalu gwoN$1 600, okwe yi kuthwa.
Omufali gwiihokolola kompangu gwepangelo, Tuihaleni Hilikuete okwa tindi egandjo lyomboloha komutamanekwa.
Haikwuyu okwa popi kutya otiikalelepo yemwene sigo ethimbo ndyoka a mono kutya ota vulu okumona omukalelipo gwopaumwene.
Oshipotha osha undulilwa komasiku 20 gaJuli, opo ku vule okugandjwa ompito keningo lyomakonaakono.
“Omakonaakono ogeli ponkatu yopetameko natango, nesiku to ya oto vulu okuninga eindilo lyoye, sigo oompoka oto kala modholongo,” Mangetrata Vicky Nickolaidis a popi.
Comments
Namibian Sun
No comments have been left on this article