A tulwa miipandeko omolwa uulunga woondjuhwa
Opolisi yaMusati oya tula miipandeko omunamimvo 25, gwomomukunda Omagalanga mOshikandjohogololo shaShikuku, ngoka a yaka nokudhipaga oondjuhwa dhamushiinda she dhi li 20.
Pahapu dhomunambelewa omupopiliko gwOpolisi yaMusati,
Linekela Shikongo ngoka a koleke oshiningwanima shoka, ta popi kutya omufekelwa okwa tulwa miipandeko mOsoondaha na okwa li a tegelelwa a holoke mompangulilo yaMangestrata gwaShakati, mOmaandaha.
Shikongo okwa popi kutya omufekelwa okwa tulwa miipandeko, sha landula sho omunamimvo 69, Aina Shiwana a tulamo oshipotha mEtitano omolwa oondjuhwa dhe dhoka dha yakwa po.
Otaku hokololwa kutya omufekelwa ngoka e na epitikilo lyokuya megumbo lyomukulupe ngoka, moka omo haka teka omeya, okwa kala ta longitha ompito ndjoka nokuyakapo oondjuhwa dhaantu, ndhoka haka teleka kegumbo lyawo.
Omukokele okwa dhimbulula omwaalu gwoondjuhwa dhe tagu shonopala mesiku lyotango yaSepetemba, naye pamwe nofamili ye oya landula ompadhi ndjoka ye ya fala sigo omegumbo lyomufekelwa ngoka.
Shikongo okwa popi kutya tango omufekelwa okwa tindi kutya haye, ihe sho a ningilwa omatilitho gopolisi okwa zimine.
Metitano lyapiti, Shiwana okwa patulula oshipotha shuulunga woondjuhwa dhe, nomutamanekwa okwa tulwa miipandeko.
Ongushu yoondjuhwa ndhoka otayi tengenekelwa pooN$1 660.
Nonando ongaaka uulunga woondjuhwa kawu shi oshinima shipe, sho unene hawu holoka miitopolwa yomonooli yoshilongo.
KENYA KAMBOWE
Pahapu dhomunambelewa omupopiliko gwOpolisi yaMusati,
Linekela Shikongo ngoka a koleke oshiningwanima shoka, ta popi kutya omufekelwa okwa tulwa miipandeko mOsoondaha na okwa li a tegelelwa a holoke mompangulilo yaMangestrata gwaShakati, mOmaandaha.
Shikongo okwa popi kutya omufekelwa okwa tulwa miipandeko, sha landula sho omunamimvo 69, Aina Shiwana a tulamo oshipotha mEtitano omolwa oondjuhwa dhe dhoka dha yakwa po.
Otaku hokololwa kutya omufekelwa ngoka e na epitikilo lyokuya megumbo lyomukulupe ngoka, moka omo haka teka omeya, okwa kala ta longitha ompito ndjoka nokuyakapo oondjuhwa dhaantu, ndhoka haka teleka kegumbo lyawo.
Omukokele okwa dhimbulula omwaalu gwoondjuhwa dhe tagu shonopala mesiku lyotango yaSepetemba, naye pamwe nofamili ye oya landula ompadhi ndjoka ye ya fala sigo omegumbo lyomufekelwa ngoka.
Shikongo okwa popi kutya tango omufekelwa okwa tindi kutya haye, ihe sho a ningilwa omatilitho gopolisi okwa zimine.
Metitano lyapiti, Shiwana okwa patulula oshipotha shuulunga woondjuhwa dhe, nomutamanekwa okwa tulwa miipandeko.
Ongushu yoondjuhwa ndhoka otayi tengenekelwa pooN$1 660.
Nonando ongaaka uulunga woondjuhwa kawu shi oshinima shipe, sho unene hawu holoka miitopolwa yomonooli yoshilongo.
KENYA KAMBOWE
Comments
Namibian Sun
No comments have been left on this article