A kala moshipangelo oomwedhi 7, ina ningilwa omakonaakono
Ofamili ya za moshitopolwa shaMusati, otayi gandja uusama koshipangelo shaSt Martin's Hospital mOshikuku omolwa omaihumbato gonayi ngoka geetitha omunamimvo 83 a lemane.
Ofamili ndjoka oya tula mo enyenyeto noHealth Professions Council of Namibia (HPCNA) opo yi vule okumona omayamukulo kutya osha ende ngiini opo oshipangelo shi taambele moombete, Jonas Nehemia omanga ina ningilwa omakonaakono goX-rays. Omonamati gwaNehemia, Silas Emvula, okwa popi kutya he ngoka e li mwene gwomukunda Oshiku Shomunkete, okwa gu omanga a li kiimuna omutenya gwomasiku ga-7 gaNovemba mo-2010. Okwa falwa moshipangelo shaShikuku esiku lya landula moka a ningi uule womwedhi ntano. “Okwa taambelwa moshipangelo na okwa kala moshipangelo uule woomwedhi ntano ita vulu okwiinyengitha olutu lwe, sigo osho a lalekwa moshipangeo shoka muApilili gwo-2011,” Emvula ta ti.
Emvula okwa popi kutya aaniilonga moshipangelo shaShikuku inaya vula oku mu lombwelwa kutya he oku na uupyakadhi washike sho ye mu laleke. Nehemia okwa shuna kegumbo ihe okwa kala ita vulu we okwiinyenga kuyemwene. Oomwedhi mbali dha piti, Nehemia okwe mu fala moshipangelo shaShakati opo a vule okuthanekwa noX-rays.
“Otwa haluka sho twa lombwelwa kutya onto ye yokombinga yokolulyo oya za pehala naashoka osho sha etitha a vule okukala ita vulu okwiinyenga. Oya popi kutya onto itayi vulu we okutulwa pehala molwaashoka oya kala uule woomwedhi heyali ya za pehala. Oya popi kutya kaye na shoka taya vulu okuninga molwaashoka okuli omupangwa gwaShikuku, na inaya hala okwiitula moshiponga. Oye mu tumu opo a kale tayi kepango lyomadhewo moShikuku,” Emvula ta ti. Oya popi kutya oya fala he moshipangelo shaShikuku, na kape na shoka sha ningwa po, nahe okwa kala ta lumbu nuulema uule woomvula hamano monena. Ngoka ta longo pehala lyomunambelewa omukuluntu guunamiti moshipangelo shaShikuku, Dr Samwel Awe, okwa popi kutya inaya vula okumona olopota yomupangwa ngoka. “Itandi vulu okutya sha manga, molwashoka inatu mona olopota yomupangwa ngoka.” Omukulukadhi gwaNehemia, omunamimvo 75, Susana Matheus, okwa popi kutya oku uvite nayi unene shoNehemia a yi koshipangeo opo a ka konge ekwatho ihe okwa zi ko a lemana.
“Otwa li tu na omukumo petameko ihe ngashiingeyi omukumo gwetu ogwa teka.
Omusamane gwandje ita vulu okwiinyenga kuyemwene. Ngashiingeyi ohandi kala megumbo ethimbo alihe po ndi vule okumusila oshisho.” Sylvia Hamata gwoHPCNA ina vula okugandja uuyelele kutya oya ningi omakonaakono sigo oponkatu yini po. Olutu ndoka olwa tseyithile ofamili ndjoka kutya otaya tegelele omayamukulo okuza kelelo lyoshipangelo shaShikuku.
ILENI NANDJATO
Ofamili ndjoka oya tula mo enyenyeto noHealth Professions Council of Namibia (HPCNA) opo yi vule okumona omayamukulo kutya osha ende ngiini opo oshipangelo shi taambele moombete, Jonas Nehemia omanga ina ningilwa omakonaakono goX-rays. Omonamati gwaNehemia, Silas Emvula, okwa popi kutya he ngoka e li mwene gwomukunda Oshiku Shomunkete, okwa gu omanga a li kiimuna omutenya gwomasiku ga-7 gaNovemba mo-2010. Okwa falwa moshipangelo shaShikuku esiku lya landula moka a ningi uule womwedhi ntano. “Okwa taambelwa moshipangelo na okwa kala moshipangelo uule woomwedhi ntano ita vulu okwiinyengitha olutu lwe, sigo osho a lalekwa moshipangeo shoka muApilili gwo-2011,” Emvula ta ti.
Emvula okwa popi kutya aaniilonga moshipangelo shaShikuku inaya vula oku mu lombwelwa kutya he oku na uupyakadhi washike sho ye mu laleke. Nehemia okwa shuna kegumbo ihe okwa kala ita vulu we okwiinyenga kuyemwene. Oomwedhi mbali dha piti, Nehemia okwe mu fala moshipangelo shaShakati opo a vule okuthanekwa noX-rays.
“Otwa haluka sho twa lombwelwa kutya onto ye yokombinga yokolulyo oya za pehala naashoka osho sha etitha a vule okukala ita vulu okwiinyenga. Oya popi kutya onto itayi vulu we okutulwa pehala molwaashoka oya kala uule woomwedhi heyali ya za pehala. Oya popi kutya kaye na shoka taya vulu okuninga molwaashoka okuli omupangwa gwaShikuku, na inaya hala okwiitula moshiponga. Oye mu tumu opo a kale tayi kepango lyomadhewo moShikuku,” Emvula ta ti. Oya popi kutya oya fala he moshipangelo shaShikuku, na kape na shoka sha ningwa po, nahe okwa kala ta lumbu nuulema uule woomvula hamano monena. Ngoka ta longo pehala lyomunambelewa omukuluntu guunamiti moshipangelo shaShikuku, Dr Samwel Awe, okwa popi kutya inaya vula okumona olopota yomupangwa ngoka. “Itandi vulu okutya sha manga, molwashoka inatu mona olopota yomupangwa ngoka.” Omukulukadhi gwaNehemia, omunamimvo 75, Susana Matheus, okwa popi kutya oku uvite nayi unene shoNehemia a yi koshipangeo opo a ka konge ekwatho ihe okwa zi ko a lemana.
“Otwa li tu na omukumo petameko ihe ngashiingeyi omukumo gwetu ogwa teka.
Omusamane gwandje ita vulu okwiinyenga kuyemwene. Ngashiingeyi ohandi kala megumbo ethimbo alihe po ndi vule okumusila oshisho.” Sylvia Hamata gwoHPCNA ina vula okugandja uuyelele kutya oya ningi omakonaakono sigo oponkatu yini po. Olutu ndoka olwa tseyithile ofamili ndjoka kutya otaya tegelele omayamukulo okuza kelelo lyoshipangelo shaShikuku.
ILENI NANDJATO
Comments
Namibian Sun
No comments have been left on this article