A dhipagwa nomamanya
ELLANIE SMIT
Omulumentu ngoka a kambadhala okuhulitha po olugodhi okwa dhipagwa nomamanya sha ningilwa moGibeon mEtitano.
Olopota yopolisi oya holola kutya, Johannes Frederik (58), omulumentu gumwe oshowo omukiintu oya li taya nwine omalovu momulamba sho oontamanana dha tukula pokati komufekelwa nomukiintu.
Sho Frederik a kambadhala okwiidhopamo omufekelwa okwe mu umbu nomamanya gatatu ngoka ge mu dhenge komutse nokumudhipaga. Omufekelwa okwa tulwa miipandeko.
Omukiintu gwoomvula 36 okwa tsu nombele sigo omeso, omumati gwe sha ningilwa moMondesa moSwakopmund mOlyomakaya.
Palopota yopolisi, Fillipus Mateus okwa tsuwa nombele montulo, mepepe nothingo. Omukiintu ngoka okwiigandja ye mwene kopolisi yaMondesa na okwa tulwa miipandeko.
Moshiningwanima shimwe sha holoka natango mEtitano, omulumentu gwoomvula 56 okwa tsu nombele yokapi omukadhona gwe gwoomvula 33, sha ningilwa molukanda lwaBloedrivier moKoës.
Omukiintu ngoka okwa tsuwa mepepe lyokolulyo, megundji na okwa ningwa iilalo iyali inene. Omufekelwa okwa tulwa miipandeko.
Momukunda Otjiuapehuri omukiintu okwa lopotwa a kwatwa onkonga komulumentu ngoka a dhenge omumati gwe oshowo aakwanezimo ye yaali mboka ya kambadhala okumukwathela.
Otaku hokololwa kutya omukiintu okwa li a lala pondje yegumbo lye sho omumati gwe ye yapo nomufekelwa. Omufekelwa aniwa okwe mu pendula na okwa kala ta popi naye okathimbo okashona. Konima okwe mu kwata nokumunanena miihwa moka e mu kwata onkonga miipathi yomumati gwe oshowo aakwanezimo yaali.
Omufekelwa okwa dhenge aniwa omumati gwomukiintu ngoka oshowo aakwanezimo ye yaali. Omufekelwa okwa tulwa miipandeko.
Momaandaha, omulumentu gwoomvula 23 okwa lopotwa a kwata onkonga omukiintu gwoomvula 36 moAroab.
Omulumentu ngoka okwa hiya aniwa omukiintu ngoka kegumbo lye opo ya kanwe pamwe, konima omulumentu okwa kala ta pula iihulo momukiintu ngoka nokonima okwe mu kwata onkonga.
Momukunda Onambango moshitopolwa shaShikoto, omulumentu gwoomvula 26 okwa kambadhala okukwata okonga oukokele gwoomvula 65. Omufekelwa okwa tulwa miipandeko.
Moshiningwanima shimwe natango moKuisebmond mEtitano, omulumentu gwoomvula 46 okwa tsuwa nombele kumwene gwehala mpoka ha hiila. Okwa taambelelwa moshipangelo shaMbaye a li monkalo yanayipala. Omufekewa gwoomvula 60 okwa tulwa miipandeko.
Omulumentu gwoomvula 47 oshowo omukiintu gwoomvula 21 oya tulwa miipandeko moMariental sho ya adhika niingangamithi yongushu yoN$27 360. Palopota yopolisi, omukiintu ngoka okwa adhika noopela dhoMandrax 228 nomakonaakono gopolisi oga fala metulo miipandeko lyomulumentu.
Omunambelewa gwopolisi ha longele oshikondo shoVery Important Persons Protection Directorate (VIPPD) moshitopolwa shaKhomas, gwoomvula 33 okwa adhika niingangamithi moMondesa, na okwa tulwa miipandeko.
Omulumentu ngoka okwa adhika noograma ntano dhocannabis dhongushu yooN$50.
Omulumentu gwoomvula 30 okwa tulwa miipandeko momukunda Omehenene moshikandjohogololo Onesi Olyomakaya konima sho a adhika noograma 690 dhiingangamithi yongushu yooN$6 900, oshowo iimaliwa yiikengeleka yooN$400.
Omulumentu ngoka a kambadhala okuhulitha po olugodhi okwa dhipagwa nomamanya sha ningilwa moGibeon mEtitano.
Olopota yopolisi oya holola kutya, Johannes Frederik (58), omulumentu gumwe oshowo omukiintu oya li taya nwine omalovu momulamba sho oontamanana dha tukula pokati komufekelwa nomukiintu.
Sho Frederik a kambadhala okwiidhopamo omufekelwa okwe mu umbu nomamanya gatatu ngoka ge mu dhenge komutse nokumudhipaga. Omufekelwa okwa tulwa miipandeko.
Omukiintu gwoomvula 36 okwa tsu nombele sigo omeso, omumati gwe sha ningilwa moMondesa moSwakopmund mOlyomakaya.
Palopota yopolisi, Fillipus Mateus okwa tsuwa nombele montulo, mepepe nothingo. Omukiintu ngoka okwiigandja ye mwene kopolisi yaMondesa na okwa tulwa miipandeko.
Moshiningwanima shimwe sha holoka natango mEtitano, omulumentu gwoomvula 56 okwa tsu nombele yokapi omukadhona gwe gwoomvula 33, sha ningilwa molukanda lwaBloedrivier moKoës.
Omukiintu ngoka okwa tsuwa mepepe lyokolulyo, megundji na okwa ningwa iilalo iyali inene. Omufekelwa okwa tulwa miipandeko.
Momukunda Otjiuapehuri omukiintu okwa lopotwa a kwatwa onkonga komulumentu ngoka a dhenge omumati gwe oshowo aakwanezimo ye yaali mboka ya kambadhala okumukwathela.
Otaku hokololwa kutya omukiintu okwa li a lala pondje yegumbo lye sho omumati gwe ye yapo nomufekelwa. Omufekelwa aniwa okwe mu pendula na okwa kala ta popi naye okathimbo okashona. Konima okwe mu kwata nokumunanena miihwa moka e mu kwata onkonga miipathi yomumati gwe oshowo aakwanezimo yaali.
Omufekelwa okwa dhenge aniwa omumati gwomukiintu ngoka oshowo aakwanezimo ye yaali. Omufekelwa okwa tulwa miipandeko.
Momaandaha, omulumentu gwoomvula 23 okwa lopotwa a kwata onkonga omukiintu gwoomvula 36 moAroab.
Omulumentu ngoka okwa hiya aniwa omukiintu ngoka kegumbo lye opo ya kanwe pamwe, konima omulumentu okwa kala ta pula iihulo momukiintu ngoka nokonima okwe mu kwata onkonga.
Momukunda Onambango moshitopolwa shaShikoto, omulumentu gwoomvula 26 okwa kambadhala okukwata okonga oukokele gwoomvula 65. Omufekelwa okwa tulwa miipandeko.
Moshiningwanima shimwe natango moKuisebmond mEtitano, omulumentu gwoomvula 46 okwa tsuwa nombele kumwene gwehala mpoka ha hiila. Okwa taambelelwa moshipangelo shaMbaye a li monkalo yanayipala. Omufekewa gwoomvula 60 okwa tulwa miipandeko.
Omulumentu gwoomvula 47 oshowo omukiintu gwoomvula 21 oya tulwa miipandeko moMariental sho ya adhika niingangamithi yongushu yoN$27 360. Palopota yopolisi, omukiintu ngoka okwa adhika noopela dhoMandrax 228 nomakonaakono gopolisi oga fala metulo miipandeko lyomulumentu.
Omunambelewa gwopolisi ha longele oshikondo shoVery Important Persons Protection Directorate (VIPPD) moshitopolwa shaKhomas, gwoomvula 33 okwa adhika niingangamithi moMondesa, na okwa tulwa miipandeko.
Omulumentu ngoka okwa adhika noograma ntano dhocannabis dhongushu yooN$50.
Omulumentu gwoomvula 30 okwa tulwa miipandeko momukunda Omehenene moshikandjohogololo Onesi Olyomakaya konima sho a adhika noograma 690 dhiingangamithi yongushu yooN$6 900, oshowo iimaliwa yiikengeleka yooN$400.
Comments
Namibian Sun
No comments have been left on this article