Omukokele gwomOmusati a holoka mompangu omolwa ekwatonkonga

A mangululwa pa nkukililo

30 July 2020 | Local News

KENYA KAMBOWE

RUNDU



Oshiningwanima shoka osha ningwa momasiku 30 gaJuni nuumvo momukunda Otsalindi mOtamanzi.

Sackaria, okwa holoka komeho yomukwatheli omupanguli, Alma Arutur, noshipotha she osha undulilwa komasiku gaali gaKotomba, opo opolisi yi vule okumanitha omakonaakono.

Sackaria okwa mangululwa pakunkililo konima sho omukalelipo gwanakuninga oshihakanwa ina tinda emangululo lye. Emangululo lye otali utha wooopo a ze mo megumbo moka mwa ningilwa oshiningwanima shoka.

Onzo oya popi kutya okanona oka holola shoka ka ningilwa konima sho ka mono yinakulu ta gwaya omagadhi ga faathana naangoka ga longithwa kuye omanga ina ningilwa omuyonena.

Pahokololo lyokanona heulu okwe mu pula e mu tegelele mondunda ye opo ya lale pamwe.

Okanona hoka shito ohaka lala nayinakulu. Nonando omutamanekwa okwa tindi, ofamili oya ka patulula oshipotha nopolisi yaKahao.