Nakudhipaga omuntu nekatana mOhangwena a tulwa miipandeko

23 July 2020 | Local News

KENYA KAMBOWE

RUNDU



Opolisi yaHangwena oya tula miipandeko omunamimvo 23 omulumentu ngoka taku hokololwa a nkapa nekatana omukiintu gwoomvula 40 sigo omeso momukunda Omunyekadi.

Omulumentu okwa hokololwa a geye konima sho a pulwa kombinga yonyama yoshikombo sha yakwa, ndjoka ya adhika mondunda ye yokulala. Omulumentu ngoka okwa ehameke woo omushiinda she.Omupopiliko gwopolisi, Omupeha Komufala, Kauna Shikwambi, okwa popi kutya oshiningwanima shoka osha ningwa mOmaandaha lwopotundi onti 16:00, sho omulumentu ngoka e na uunkundi wopamadhilaadhilo a ponokele nekata omunamimvo 40, Olivia Ndateelela Teofelus. Mboka yaali oya pambathana.

Omushiinda omunamimvo 51 ngoka eehamekwa okwa falwa meendelelo koshipangelo shEenhana. Omufelekwa okwa yi ontuku okuza pehala lyoshiningwanima ihe okwa tulilwa miipandeko momukunda Onamahoka.

Omakonaakono gopolisi otaga tsikile.