Iidhipaga konima sho a ponokele ohonda ye nekatana

17 September 2020 | Local News

NAMPA

ONGWEDIVA

Omulumentu gwoomvula 39 okwiidhipaga sho iimangeleke momukunda Onandova moshitopolwa shaHangwena, mOmaandaha.

Omunambelewa omukwatakanithi nomukonaaakoni gwiimbuluma moshitopolwa shaHangwena, Omupeha Komufala, Zacharias Amakali okwa koleke oshiningwanima shoka, ta popi kutya nakusa oMushiwete Wilho Pilukeni.

Oshiningwanima osha ningwa pokati kotundi onti

22h30 no 23h00 konima sho nakusa a ponokele nekatana omukadhonaa gwe.

Amakali okwa popi kutya omukiintu ngoka omunamimvo 34 oku li omukwashigwana gwaAngola, na okwa taambelewa moshipangelo shEngela na oku li monkalo ohwepo.

'Otaku hokololwa kutya omanga iniidhipaga, nakusa okwa tete omukadhona gwe nekatana kepepe lyokolumoho oshowo kothingi,” Amakali a popi.

Omulumentu ngoka okwa ponokele omukadhona sho aniwa omukadhona a hulitha po ekwatathano lyawo.

Aakwanezimo yaPulukeni oya tseyithila eso lye nomakonaakono gopolisi otaga ningwa.