A dhipaga he

22 July 2021 | Local News

TUYEIMO HAIDULA

OSHAKATI

Omulumentu gwoomvula 54 okwa hulitha omanga a li ta kambadhala okugamena omukadhona gwomonamati gwomukulukadhi gwe, sha ningwa ongulohi yOmaandaha momukunda Ombondeyomutse-wondjamba moshikandjohogololo Ruacana.

Komufala Titus Shikongo gwOpolisi yaMusati okwa popi kutya omakonaakono gopetameko oga holola kutya omufekelwa moshipotha shoka shedhipago omunamimvo 33, na okwa valwa komukulukadhi gwanakusa na oya li haya zi megumbo limwe.

Shikongo okwa popi kutya oontamanana odha tameke pokati komufekelwa nomukadhona gwe, sho aniwa omukadhona a lombwele yina yomufekelwa oshowo nakusa kombinga yuupyakadhi mekwatathano lyawo.

Omufekelwa okwa tameke ta dhenge noongonyo omukadhona gwe na okwa kambadhala okudhenga yina noshiti ihe yina okwa yi ontuku.

Shikongo okwa popi kutya nakusa okwa kambadhala okugamena aakiintu mboka, sha etitha omufekelwa e mu ponokele noshiti nokumudhenga momutse. Omulumentu ngoka opo a sile pehala lyoshiningwanima

Omufekelwa okwa tulwa miipandeko