Endjala a kunkilile kakukutwe miilonga oontauki dhaAngola
Oontauki dha pulwa dhi konge oombaapila
Ngoloneya gwoshitopolwa shaMusati, Erginus Endjala okwa kunkilile aakwashigwana yaNamibia opo kaya kute miilonga oontauki dhaAngola dhoka dha tauka okuza koshilongo shaandjawo nelalakano lyokukonga iilonga.
Ngoloneya okwa popi ktuya otaya a longa nopolisi moshitopolwa okukwashilipaleka kutya oontauki dhoka itadhi monithwa iihuna pamukalo gwokupewa iilonga nokulongithwa monkalo kayi shi yopauntu.
Aakwashigwana yaAngola omayovi oya tauka okuya moNamibia omolwa oshikukuta shoka tashi dhenge unene ombinga yuumbugantu waAngola. Oya shunithwa oshilongo shaandjawo muJanuari ihe yamwepo oya galuka ishewe taya popi kutya omakwatho ngoka taya pewa kepangelo lyaandjawo inaga gwana.
Endjala okwa popi kutya nonando oontauki dhoka odha galuka itadhi pewa we omayambidhidho nokusilwa ohenda molwaashoka kadhili paveta nongele odha monika otadhi shunithwa koshilongo shaandjawo.
Mongashiingeyi otadhi kutwa miilonga komidhingoloko dhokoongamba dhoshilongo mOmusati nOhangwena dhimwe odha monika woo mOshana nOshikoto.
Ngoloneya okwa popi kutya ombelelewa ye oya tseyithilwa kutya aakwashigwana mboka otaya pewa iilonga ngaashi yomomagumbo na otaya futwa uumaliwa uushona nenge yamwe taya futwa owala oondya.
Okwa popi kutya shoka itashi tambulwako nakape na ngoka e na uuthemba okukuta miilonga oontauki kadhi na omikanda dhokukala moshilongo.
Endjala okwa pula aakwashigwana mOshitopola shaMusati ye mu tseyithile ngele oya mono omukwashigwana gwaAngola a kutwa miilonga shaaheli paveta molwaashoka mboka taye yakutu miilonga otaya hwahwameke onkalo yokweeta moshilongo aakwashigwana mboka.
Komanda gwopolisi yaMusati, Komufala Titus Shikongo okwa popi kutya ekuto miilonga lyootauki kadhi na oombapila oshi li oshimbuluma.
Shikongo okwa pula AaNamibia ya simaneke oveta nokuyanda okukuta miilonga oontauki dhoka, unene sho oontauki dhimwe aanona aashona na otashi etitha ekuto miilonga lyaanona. Okwa popi kutya nena ngele aakwashigwana mboka oya kanithile oomwenyo dhawo moNamibia otashi vulu okweeta omananathano pokati kiilongo mbika iyali.
“Shoka shi li mondjila naya konge omikanda dhokulonga opo nduno taya vulu okulonga iilonga kehe taya mono,” Shikongo a popi.
Aakwashigwana yaAngola omayovi oya tauka okuya moNamibia omolwa oshikukuta shoka tashi dhenge unene ombinga yuumbugantu waAngola. Oya shunithwa oshilongo shaandjawo muJanuari ihe yamwepo oya galuka ishewe taya popi kutya omakwatho ngoka taya pewa kepangelo lyaandjawo inaga gwana.
Endjala okwa popi kutya nonando oontauki dhoka odha galuka itadhi pewa we omayambidhidho nokusilwa ohenda molwaashoka kadhili paveta nongele odha monika otadhi shunithwa koshilongo shaandjawo.
Mongashiingeyi otadhi kutwa miilonga komidhingoloko dhokoongamba dhoshilongo mOmusati nOhangwena dhimwe odha monika woo mOshana nOshikoto.
Ngoloneya okwa popi kutya ombelelewa ye oya tseyithilwa kutya aakwashigwana mboka otaya pewa iilonga ngaashi yomomagumbo na otaya futwa uumaliwa uushona nenge yamwe taya futwa owala oondya.
Okwa popi kutya shoka itashi tambulwako nakape na ngoka e na uuthemba okukuta miilonga oontauki kadhi na omikanda dhokukala moshilongo.
Endjala okwa pula aakwashigwana mOshitopola shaMusati ye mu tseyithile ngele oya mono omukwashigwana gwaAngola a kutwa miilonga shaaheli paveta molwaashoka mboka taye yakutu miilonga otaya hwahwameke onkalo yokweeta moshilongo aakwashigwana mboka.
Komanda gwopolisi yaMusati, Komufala Titus Shikongo okwa popi kutya ekuto miilonga lyootauki kadhi na oombapila oshi li oshimbuluma.
Shikongo okwa pula AaNamibia ya simaneke oveta nokuyanda okukuta miilonga oontauki dhoka, unene sho oontauki dhimwe aanona aashona na otashi etitha ekuto miilonga lyaanona. Okwa popi kutya nena ngele aakwashigwana mboka oya kanithile oomwenyo dhawo moNamibia otashi vulu okweeta omananathano pokati kiilongo mbika iyali.
“Shoka shi li mondjila naya konge omikanda dhokulonga opo nduno taya vulu okulonga iilonga kehe taya mono,” Shikongo a popi.
Comments
Namibian Sun
No comments have been left on this article