Opolisi ya nyengwa okuyogamo omudhimba
Ompumbwe yaayogi tayi dhenge opolisi
Opolisi yaKahao oyali ya ithanwa sha landula oshiponga sheso lyomeya ihe oyali ya talako kayi na nkene tayi vulu okuninga sho aalumentu yatatu aakwashigwanaa ya tokola okunhukila momuthima ngoka nokukuthamo omudhimba gwokanona koomvula hamano hoka ka si omeya momuthima ngoka.
Opolisi oya lombwele oNamibian Sun kutya oya li ya tila okuya momuthima ngoka molwaashoka otagu ulike gwa nika oshiponga.
Okanona oka dhimbululwa kutya oMartin Andiyatuye Iipinge, omunaskola poAmarika Primary School.
Iipinge okwa kana ongulohi yOlyomakaya na okwa ka monika owala ongula ya landula kaantu mboka ya ka teka omeya. Aakwashigwana oya popi kutya okamati hoka inaka kala haka yi lela koskola miiwiike ya piti konima sho oprogramma yokugandja oondya kaanaskola kooskola ya hulu momudhingoloko ngoka.
Ompumbwe yiikulya oya dhiminike aakwashigwana ya kale haya yi momakuti okukakonga iiyimati yomokuti nokuza ko ohaya yi komithima dhomeya ya kanwe omeya.
Oshinigwanima shopwaAmarika osha holola uupyakadhi waanambelewa yopolisi inaya gwana, sho opolisi yi na owala omwaalu omushona gwaanambelewa mboka ya dheulilwa okuyoga omeya ya nuninwa okugandja omakwatho mIitopolwa yomOnooli ngashii, Oshana, Omusati, Ohangwena, Oshikoto oshowo Kunene.
Monena omwaalu gwaantu mboka ya kanithila oomwenyo dhawo momuthima ngoka oye li yahetatu nopolisi ihayi vulu okutseyithilwa mbala omolwa uupyakadhi womakuthikuthi goongodhi.
Omupangi pokaklinika kopwaAmarika naye ka li po nkene omukwashigwana gumwe okwa hingi oshinano shookilometa 85 okuya mOkahao opo a tseyithile opolisi ihe opolisi sho ya thiki oya pula ishewe oshigwana opo shi ya kwathele mokuyogamo omuthimba.
Mwene gwomukunda Salom Hamutenya okwa popi kutya okwa lombwelwa kutya aapolisi oya tindi okuya momuthima ngoka nopehala oya pula aakwashigwana oyo ya yogemo omudhimba.
“Onda li mongeleka pethimbo ndyoka sho ya thika lwopo-13:00, ihe olopota ndjoka nda pewa oya holola kutya aakwshigwana oyo ya longo po iilonga yopolisi, okukuthamo omudhimba momuthima.”
Omukwashigwana gumwe ngoka a li po okwa popi kutya aapolisi oya popi kutya yo aanambelewa owala yopolisi ihe kaye shi aayogi.
Onkalo ndjoka oya thiminike aalithi yiimuna yatatu yiiyambe nokukutha mo omudhimba. Oshiningwanima shoka osha kolelwa kOmupopiliko gwOpolisi yaMusati
Linekela Shikongo.
“Omithima dhoka odha nika oshiponga naanambelewa yetu inaya dheulilwa okuyoga, onkene oya pula aakwshigwana mboka ye na ontseyo yomithima dhoka opo ye ya kwathele naashoka osho sha ningwa. Ngele andola kapwali ngoka iiyamba nena andola otwa kongo ekwatho lyaayogi okuza koshitopolwa shaShana,” Shikongo ta ti.
Omukomeho gwopolisi, Sebastian Ndeitunga okwa koleke kutya etanga lyawo olya taalela omukundu gwompumbwe yaayogi, na okwa pandula oshigwana sho sha kwathele.
Namibian Sun okwa lopota iikando oyendji kombinga yompumbwe yomeya momudhingoloko ngoka nonando ope na otenga yomeya yopashinanena yongushu yoomiliyona 200, ndjoka ya pewa omagano aakwashigwana kepangelo lyaGermany. Aaleli oya kala taya kugu kepangelo opo aakwashigwana yapewe omeya molwaashoka omeya ngoka haga longithwa kaakwashigwana oge na oshimongwa.
Mwene gwomukunda okwa popi kutya otenga ndjoka oya pangelwa ihe ehangano lyeyandjakaneko lyomeya gomomikunda otali ya futitha iimaliwa oyindji, naakwashigwana itaya vulu iifuta mbyoka.
ILENI NANDJATO
Opolisi oya lombwele oNamibian Sun kutya oya li ya tila okuya momuthima ngoka molwaashoka otagu ulike gwa nika oshiponga.
Okanona oka dhimbululwa kutya oMartin Andiyatuye Iipinge, omunaskola poAmarika Primary School.
Iipinge okwa kana ongulohi yOlyomakaya na okwa ka monika owala ongula ya landula kaantu mboka ya ka teka omeya. Aakwashigwana oya popi kutya okamati hoka inaka kala haka yi lela koskola miiwiike ya piti konima sho oprogramma yokugandja oondya kaanaskola kooskola ya hulu momudhingoloko ngoka.
Ompumbwe yiikulya oya dhiminike aakwashigwana ya kale haya yi momakuti okukakonga iiyimati yomokuti nokuza ko ohaya yi komithima dhomeya ya kanwe omeya.
Oshinigwanima shopwaAmarika osha holola uupyakadhi waanambelewa yopolisi inaya gwana, sho opolisi yi na owala omwaalu omushona gwaanambelewa mboka ya dheulilwa okuyoga omeya ya nuninwa okugandja omakwatho mIitopolwa yomOnooli ngashii, Oshana, Omusati, Ohangwena, Oshikoto oshowo Kunene.
Monena omwaalu gwaantu mboka ya kanithila oomwenyo dhawo momuthima ngoka oye li yahetatu nopolisi ihayi vulu okutseyithilwa mbala omolwa uupyakadhi womakuthikuthi goongodhi.
Omupangi pokaklinika kopwaAmarika naye ka li po nkene omukwashigwana gumwe okwa hingi oshinano shookilometa 85 okuya mOkahao opo a tseyithile opolisi ihe opolisi sho ya thiki oya pula ishewe oshigwana opo shi ya kwathele mokuyogamo omuthimba.
Mwene gwomukunda Salom Hamutenya okwa popi kutya okwa lombwelwa kutya aapolisi oya tindi okuya momuthima ngoka nopehala oya pula aakwashigwana oyo ya yogemo omudhimba.
“Onda li mongeleka pethimbo ndyoka sho ya thika lwopo-13:00, ihe olopota ndjoka nda pewa oya holola kutya aakwshigwana oyo ya longo po iilonga yopolisi, okukuthamo omudhimba momuthima.”
Omukwashigwana gumwe ngoka a li po okwa popi kutya aapolisi oya popi kutya yo aanambelewa owala yopolisi ihe kaye shi aayogi.
Onkalo ndjoka oya thiminike aalithi yiimuna yatatu yiiyambe nokukutha mo omudhimba. Oshiningwanima shoka osha kolelwa kOmupopiliko gwOpolisi yaMusati
Linekela Shikongo.
“Omithima dhoka odha nika oshiponga naanambelewa yetu inaya dheulilwa okuyoga, onkene oya pula aakwshigwana mboka ye na ontseyo yomithima dhoka opo ye ya kwathele naashoka osho sha ningwa. Ngele andola kapwali ngoka iiyamba nena andola otwa kongo ekwatho lyaayogi okuza koshitopolwa shaShana,” Shikongo ta ti.
Omukomeho gwopolisi, Sebastian Ndeitunga okwa koleke kutya etanga lyawo olya taalela omukundu gwompumbwe yaayogi, na okwa pandula oshigwana sho sha kwathele.
Namibian Sun okwa lopota iikando oyendji kombinga yompumbwe yomeya momudhingoloko ngoka nonando ope na otenga yomeya yopashinanena yongushu yoomiliyona 200, ndjoka ya pewa omagano aakwashigwana kepangelo lyaGermany. Aaleli oya kala taya kugu kepangelo opo aakwashigwana yapewe omeya molwaashoka omeya ngoka haga longithwa kaakwashigwana oge na oshimongwa.
Mwene gwomukunda okwa popi kutya otenga ndjoka oya pangelwa ihe ehangano lyeyandjakaneko lyomeya gomomikunda otali ya futitha iimaliwa oyindji, naakwashigwana itaya vulu iifuta mbyoka.
ILENI NANDJATO
Comments
Namibian Sun
No comments have been left on this article