Oongeleka inadhi hala okukondololwa kepangelo

Ongundu yoongeleka dhiithikamena dhili 32, odha pula opo dhi pewe epitikilo lyokwiikondolola dho dhene pehala lyokukondololwa kepangelo. Opaliamende yoshilongo oya tula poshitaafula oshitsa momasiku 28 gaJuni moka tadhi pula opo ku tulwe miilonga ompango ndjoka tayi kala nokukondolola oongeleka moshilongo sho kwa nongelwa kutya omwaalu gwoongeleka moNamibia ogwa londa pombanda noonkondo.


Ongundu yoongeleka dhoka oya kalelapo konyala omaludhi goongeleka moNamibia mwakwatelwa ngaashi pentecostal, charismatic, apostolic, noprophetic.
Ongundu oya tothamo ontopolwa 21(1) yEkotampango lyoshilongo ndjoka tayi utha emanguluko lyokukala oshilyo shongeleka nenge eitaalo kehe.
Ongundu oya pula opo ku tulwe miilonga omulandu gwopambaapila ngoka tagu kala nokulandulwa uuna taku shangithwa oongeleka.

Ongundu yoongeleka dhoka 32, kayi shi oshitopolwa shoCouncil of Churches of Namibia (CCN) nenge Association for Charismatic and Pentecostal Churches of Namibia (ACPCN), na odhili ongudu yiidhikamena.

Zelda van der Colff, ngoka a popi pehala lyongundu ndjoka, okwa popi kutya ongeleka otayi utha ekoko lyevaangeli nokuindjipaleka ohapu yaKalunga onkene kashi li mondjila yi vule okukala tayi kondololwa kepangelo.
Oya popi kutya Namibia oshilongo tashi lelwa kEkotampango onkene itashi wapala ngele epangelo tali kuthako ekondololo lyoongeleka.


KEITH VRIES