Omupevi mayola gwaHelao Nafidi a shunwa miilonga
Konima sho a li a pewa elombwelo opo a thigepo ombelewa momasiku ga5 gaAguste, Omupevi mayola gwaHelao Nafidi Panduleni Hainghumbi okwa shunwa ishewe miilonga kuSwapo.
Eshuno lye miilonga oya ningwa mombaapila ndjoka ya shangelwa Hainghumbi komukwatakanithi gwopashitolwa gwongundu ndjoka, Hafeni Hatutale.
“Ombelewa onene yOngundu yoSwapo oya talulula etokolo ndyoka lya ningwa momasiku 27 gaJuli mo-2016 na oya tokola okukushuna miilonga onga kansela gwaHelao Nafidi gwongundu yoSwapo. Otatu gandja ombili omolwa uupyakadhi wa hololwa po kungoye nenge kofamili yoye omolwa etokolo ndyoka lya li lya ningwa. Oto tsikile nokukwatha oshigwana mombepo yuumwayinathana,” ombapila ndjoka ya holola.
Oshiwike sha piti, oshikundaneki shika osha lopota kutya okwa shangwa ombaapila kelelo lyoSwapo,ndjoka yazilila komuamushanga-ndjai gwoSwapo Nangolo Mbumba, na oya pula Hatutale opo a kwashilipaleke kutya Haingumbi okwa thigapo ombelewa ndjoka omanga omasiku ga5 inaga pita. Etompelo lyokukutha Hainghumbi miilonga okundja ompito kuLucia Nghililewanga, ngoka a li ponomola ontiyali momusholondondo gwaahogolola yongundu na okwali a kuthwa mo nokupingenwa po omanga oshituthi sheganithilo miilonga inashi ningwa momasiku ga4 gaDesemba 2015.
Sho aningilwa omapulaapulo, Hainghumbi okwa popi kutya okwa thigwa keena iitya kombaapila ndjoka onkene ita vulu okutya sha.
Kakushiwike kutya Nghidimbwa ota ningwa ngiini, oonkambadhala okumona Mbumba naHatutale inadhi pita.
KENYA KAMBOWE
Eshuno lye miilonga oya ningwa mombaapila ndjoka ya shangelwa Hainghumbi komukwatakanithi gwopashitolwa gwongundu ndjoka, Hafeni Hatutale.
“Ombelewa onene yOngundu yoSwapo oya talulula etokolo ndyoka lya ningwa momasiku 27 gaJuli mo-2016 na oya tokola okukushuna miilonga onga kansela gwaHelao Nafidi gwongundu yoSwapo. Otatu gandja ombili omolwa uupyakadhi wa hololwa po kungoye nenge kofamili yoye omolwa etokolo ndyoka lya li lya ningwa. Oto tsikile nokukwatha oshigwana mombepo yuumwayinathana,” ombapila ndjoka ya holola.
Oshiwike sha piti, oshikundaneki shika osha lopota kutya okwa shangwa ombaapila kelelo lyoSwapo,ndjoka yazilila komuamushanga-ndjai gwoSwapo Nangolo Mbumba, na oya pula Hatutale opo a kwashilipaleke kutya Haingumbi okwa thigapo ombelewa ndjoka omanga omasiku ga5 inaga pita. Etompelo lyokukutha Hainghumbi miilonga okundja ompito kuLucia Nghililewanga, ngoka a li ponomola ontiyali momusholondondo gwaahogolola yongundu na okwali a kuthwa mo nokupingenwa po omanga oshituthi sheganithilo miilonga inashi ningwa momasiku ga4 gaDesemba 2015.
Sho aningilwa omapulaapulo, Hainghumbi okwa popi kutya okwa thigwa keena iitya kombaapila ndjoka onkene ita vulu okutya sha.
Kakushiwike kutya Nghidimbwa ota ningwa ngiini, oonkambadhala okumona Mbumba naHatutale inadhi pita.
KENYA KAMBOWE
Comments
Namibian Sun
No comments have been left on this article