Noa okwa kondjitha kutya omilalo odha li pauvathano nokwati kena ondjo mompangu yaNdangwa

Ndohotola gwOpaunamiti mOshipangelo shaNandjokwe Dennis Noa, gwomimvo 31, okwa lombwele Ompangu yaMangestalata yaNdangwa mEtiyali kutya omilalo dhoka tadhi hokololwa moshipotha she odha li pauvathano nokwa ti ke na ondjo.Noa okwa holoka komeho gOMangestalata Shantell-Antoinette Wanga-Harris neindilo lyombooloha. Okwa taalela oshipotha shimwe sheetekelo lyomilalo shoka tashi popiwa a longo megumbo lye mOshipangelo shaNandjokwe. Okupitila momugamenihahende gwe, Beatrix Bianca Boois, Noa okwa popi kutya okwa tseya omunyenyeti, ngoka e li omuhingi gwokatekisa komopate.Okwa lombwele ompangu kutya elongelokumwe lyawo olya tameke momasiku 7 Mai 2026 sho a kutu otekisa yomunyenyeti mOndangwa konima yokulanda iinima yoshituthivalo shomumwayinakadhona. “Onda futu N$150 iipundi ayihe molwaashoka onda li ndi li meendelelo okuya mondjila okuza konooli okuya kOvenduka,” Noa osho a ti. Okwa ti omwiipulithi okwe mu helula pegumbo lye moshitopolwa shOshipangelo shaNandjokwe, nolwanima okwa pula ko onomola ye yongodhi monkambo yoku mu hiila monakuyiwa. Uusiku owo tuu mboka, Noa okwa ti okwa dhengele omunyenyeti e mu fale kOlunkono opo a ka kwate ombesa yo-Intercape okuya kOvenduka. Ompangu oya uvu kutya omunyenyeti lwanima okwa tumu okatumwalaka kopangodhi ta pula ngele okwa thika ngaa nawa. Noa okwa gandja uumbangi kutya momasiku 22 Meyi omunyenyeti okwe mu hiya ya ka nwe mo pehala limwe lyomanwino mOndangwa. “Ongame nda futu oombiila dhe nonda landa o-Johnnie Walker yandje, e tatu zi po mpoka notwa yi kehala lilwe lyomanwino hoka nda landa omalovu gamwe po,” osho a hokolola. “Konima yashoka, okwa helula ndje megumbo lyandje moshitopolwa shOshipangelo shaNandjokwe.”Pahokololo lyaNoa, omunyenyeti okwe mu landula sigo omondunda ye, ta pula a tule ongodhi ye kolusheno ye a lale owala moka molwaashoka okwa li kohi yondhungo na ita vulu okuhinga. Noa okwa ti okwe mu pitike a kale mo. “Uusiku mboka, onda uvu nda pampadhalwa kolutu. Omunyenyeti okwa gumu oondungu dhomagundji gandje, mothingo nosho wo puukuluntu wandje e ta pula ngele natu ye momilalo uusiku mboka, nonda zimine,” Noa osho a gandja uumbangi. Okwa lombwele ompangu kutya nonando omunyenyeti okwa li a hala ya lale naye pwaana oshikeelelitho, okwa kondjele ya longithe okoondoma.“Kapwa li ethiminiko lyasha nesiku ndyoka otwa yi momilalo,” osho a popi.Noa okwa gandja wo uumbangi kutya ongula yesiku lya landula okwa pe omunyenyeti okakunwa koonkondo. “Omunyenyeti okwiihumbata shilimbilika e ta lombwele ndje kutya oku na aanona yaali, okwa hokwa aakiintu, noha lala owala naalumentu uuna a kolwa,” Noa osho a popi. Okwa tsikile nokulombwela ompangu kutya sigo ompaka otaya tsikile nokukwatathana konima yoshiningwanima shoka. “Okuza mpoka onda kala nda hala okutwiitula meithano nomiilonga yandje,” Noa osho a popi, e ta gwedha po kutya okwa itaala kutya omunyenyeti naye ota kambadhala oku uva ko uukwtaya we wopamilalo. Eindilo lyombooloha otali tsikile. Ya tolokwa ku: Gottrieb Nambahu (gottrieb@nma.com.na)

Noa okwa kondjitha kutya omilalo odha li pauvathano nokwati kena ondjo mompangu yaNdangwa

Comments

Namibian Sun 2026-10-12

Please login to leave a comment

Noa okwa kondjitha kutya omilalo odha li pauvathano nokwati kena ondjo mompangu yaNdangwa

Comments

Namibian Sun 2026-10-12

Please login to leave a comment

Subscription Required to Access Content ×

Login

Subscription Required to Access Content