Aailongi AaNamibia koChina ya limbililwa
Omukalelipo gwaNamibia koChina okwa popi kutya ombelewa ye otayi longo kayi na oluthuwo opo aaiilongi AaNamibia ya vule okushuna koChina nokukamanitha omailongo gawo, sha landula omilandu dha kwatwa miiti dha tulwa miilonga koshilongo shoka moonkambadhala okukondjitha oCovid-19.
Ondjodhi yaArmas Shifotoka okuninga omwiindjinia otayi ende tayi shongola sho omilandu dhoCovid-19 moChina tadhi indike aailongi oyendji opo yaka tsikile nokumanitha omailongo gawo.
Okwa li ha hiti eilongo lye moshiputudhilo shoJiangsu University tii longele obachelor of civil engineering.
Omunamimvo 26, pamwe naailongi yakwawo ya li yiishangitha okukatsikila omailongo gawo miiputudhilo yaChina ngashiingeyi oye li owala moNamibia neilongo palongitho lyomalungula inali eta iizemo yasha omolwa omakwatathano ga nkuundipala.
“Otandi ilongo ndi li momalimbililo nuutile kutya onzapo yandje yoomvula ne itayi ka taambwako koNamibia Qualifications Authorities oshowo Engineering Council of Namibia molwaashoka itandi ka gwanitha po oowili adhihe tadhi pumbiwa opo ndikale mootundi. Omailongo pamadheulo oga kalekwa manga uule wethimbo kali shiwike,” Shifotoka, ngoka tiilongithwa koJiangsu scholarship, a popi.
“Ombelewa yomukalelipo gwaNmaibia koChina oya popi kutya otatu vulu okuninga omaindilo goovisa, pamwe noofooloma dhoJW202 okuza koshiputudhilo ihe sho twa ningi ekwatathano noshiputudhilo oshe tu lombwele kutya itaya vulu okugandja oofoloma dhoka molwashoka inaya tseyithilwa komalelo gomondjila.”
Oshikundaneki shoNamibian Sun osha nongele kutya aailongi AaNamibia yeli 20 mboka ya li ya galukile kegumbo omolwa oCovid-19 inaya vula we okushuna koChina, nashoka osha kolekwa komukalelipo gwaNamibia koChina, Elia Kaiyamo.
Ehokololo lya Shifotoka olya faathana nomahokololo gaailongi yAfrika omayovi mboka ya li ya thigipo omailongo gawo okugalukila kiilongo yaandjawo sha landula etukuko lyoCovid-19 moChina.
Iiputudhilo moshilongo shoka oya pata omiyelo momvula yo 2020, nayimwe oya patulula ngashiingeyi ihe omolwa omilandu dha kwata miiti dha tulwa po, osha ningitha oshidhigu aailongi mboka ya shune. Konyala AaNamibia ye li po 500 oyali taya tsikile omailongo gawo moChina.
Ombelewa yomukalelipo gwaNamibia koChina inayi vula okugandja omiyalu dhomondjila kombinga yomwaalu gwaailongi, ihe oya holola kutya otayi ka gandja omiyalu dhoka uuna ye dhi mono.
Kaiyamo, pethimgo lyoonkundathana a ningwa naye koNamibian Sun oshiwike sha piti, okwa popi kutya osha ningila oshidhigu ombelelwa yawo yi mone uuyelele kombinga yomiyalu dhoka, molwaashoka aailongi ohaya ningi owala ekwatathano nombelelwa yawo uuna ye li muupyakadhi nenge uuna ya pumbwa oomikanda dhomalweendo omipe.
Okwa tsikile kutya ombelewa yawo otayi longo yiitulamo opo yikwashilipaleke kutya aailongi mboka oya shuna yaka manithe omailongo gawo kwiikwatelelwa kutya aailongi mboka oya gwanithapo iipumbiwa tayi pumbiwa oshowo omilandu dhoka dhi na okulandulwa opo ya vule okumona oovisa.
Kwiikwatelelwa kuGrace Seponde, amushanga-ndjai gwoNamibia Students Association moChina, aailongi oyendji oya sa uunye okutsikila nomailongo gawo omolwa ethimbo eshona ndyoka haya mono okukala mootundi naalongi yawo oshowo naailongi pamwe nayo. Okwa popi kutya otaya tsikile nokukonga omakwatho opo aailobgi mboka ya vule okukamanitha omailongo gawo.
Ondjodhi yaArmas Shifotoka okuninga omwiindjinia otayi ende tayi shongola sho omilandu dhoCovid-19 moChina tadhi indike aailongi oyendji opo yaka tsikile nokumanitha omailongo gawo.
Okwa li ha hiti eilongo lye moshiputudhilo shoJiangsu University tii longele obachelor of civil engineering.
Omunamimvo 26, pamwe naailongi yakwawo ya li yiishangitha okukatsikila omailongo gawo miiputudhilo yaChina ngashiingeyi oye li owala moNamibia neilongo palongitho lyomalungula inali eta iizemo yasha omolwa omakwatathano ga nkuundipala.
“Otandi ilongo ndi li momalimbililo nuutile kutya onzapo yandje yoomvula ne itayi ka taambwako koNamibia Qualifications Authorities oshowo Engineering Council of Namibia molwaashoka itandi ka gwanitha po oowili adhihe tadhi pumbiwa opo ndikale mootundi. Omailongo pamadheulo oga kalekwa manga uule wethimbo kali shiwike,” Shifotoka, ngoka tiilongithwa koJiangsu scholarship, a popi.
“Ombelewa yomukalelipo gwaNmaibia koChina oya popi kutya otatu vulu okuninga omaindilo goovisa, pamwe noofooloma dhoJW202 okuza koshiputudhilo ihe sho twa ningi ekwatathano noshiputudhilo oshe tu lombwele kutya itaya vulu okugandja oofoloma dhoka molwashoka inaya tseyithilwa komalelo gomondjila.”
Oshikundaneki shoNamibian Sun osha nongele kutya aailongi AaNamibia yeli 20 mboka ya li ya galukile kegumbo omolwa oCovid-19 inaya vula we okushuna koChina, nashoka osha kolekwa komukalelipo gwaNamibia koChina, Elia Kaiyamo.
Ehokololo lya Shifotoka olya faathana nomahokololo gaailongi yAfrika omayovi mboka ya li ya thigipo omailongo gawo okugalukila kiilongo yaandjawo sha landula etukuko lyoCovid-19 moChina.
Iiputudhilo moshilongo shoka oya pata omiyelo momvula yo 2020, nayimwe oya patulula ngashiingeyi ihe omolwa omilandu dha kwata miiti dha tulwa po, osha ningitha oshidhigu aailongi mboka ya shune. Konyala AaNamibia ye li po 500 oyali taya tsikile omailongo gawo moChina.
Ombelewa yomukalelipo gwaNamibia koChina inayi vula okugandja omiyalu dhomondjila kombinga yomwaalu gwaailongi, ihe oya holola kutya otayi ka gandja omiyalu dhoka uuna ye dhi mono.
Kaiyamo, pethimgo lyoonkundathana a ningwa naye koNamibian Sun oshiwike sha piti, okwa popi kutya osha ningila oshidhigu ombelelwa yawo yi mone uuyelele kombinga yomiyalu dhoka, molwaashoka aailongi ohaya ningi owala ekwatathano nombelelwa yawo uuna ye li muupyakadhi nenge uuna ya pumbwa oomikanda dhomalweendo omipe.
Okwa tsikile kutya ombelewa yawo otayi longo yiitulamo opo yikwashilipaleke kutya aailongi mboka oya shuna yaka manithe omailongo gawo kwiikwatelelwa kutya aailongi mboka oya gwanithapo iipumbiwa tayi pumbiwa oshowo omilandu dhoka dhi na okulandulwa opo ya vule okumona oovisa.
Kwiikwatelelwa kuGrace Seponde, amushanga-ndjai gwoNamibia Students Association moChina, aailongi oyendji oya sa uunye okutsikila nomailongo gawo omolwa ethimbo eshona ndyoka haya mono okukala mootundi naalongi yawo oshowo naailongi pamwe nayo. Okwa popi kutya otaya tsikile nokukonga omakwatho opo aailobgi mboka ya vule okukamanitha omailongo gawo.
Comments
Namibian Sun
No comments have been left on this article