Submitted by Sun Reporter2 on Fri, 2013-04-05 08:10
OSHAKATI - PLACIDO HILUKILWA
Oshikondo shopolifi yaNamibia osha shiivifa nokutya ovanambelewa vahapu vopolifi - etanga olo li na oshinakuwanifwa shokukaleka po omhango nelandulafano moNamibia - ova yelwaayelwa, hano va wedelwa pamifika doilonga, osho hashi ningwa alushe she likolelela koudiinini moilonga, keshiivo, owino, oupenda nelitulemo lomunambelewa keshe. Read more about Ovanambelewa vopolifi otava dikwa eembadi
Submitted by Sun Reporter2 on Fri, 2013-04-05 08:09
Ovapangi itava wanifa po vali oilonga vo tava ngwenyaukile ovanaudu. Ovanaudu navo otava ula ovapangi omalaka mai. Onghalo moipangelo oya naipala moule womido da pita.
Omushahangwahokololo wa longekediwa kokakomisi ka li ka tulwa po kOmupresidende Hifikepunye Pohamba opo ka konaakone onghalo moshikondo shOuhaku nOnghalonawa otau holola nokutya moshilongo omu na ovapangi vamwe hava i koilonga va kolwa.
Omushangwahokololo oo wa tulwa poshitaafula moshoongalele shopashiwana kOminista yOipambele yOmupresidende, Dr. Albert Kawana mEtivali, otau holola nokutya ovapangi vamwe ohava i koilonga ve li koshi yodungo, osho sha nyika oshiponga shinene kovayakulwa vavo. Read more about Ovapangi vamwe ohava i koilonga va denga odungo
Submitted by Sun Reporter2 on Fri, 2013-04-05 08:08
Omunaimuna moshitukulwa shaMusati George Nanghanda (kolumosho) okwa ninga oivike ivali lwaapo ta kongo omunahambo waye, Olavi Mweshipandeka (kolulyo) oo a kwatelwe po kopolifi molwaashi vati a ula omunhu wonhumba omalaka mai. Omumati onghee a ile kopolifi no ina alukila vali koilonga, naashi nee a ka monika okwa hokolola nghee a dengwa nokuhepekwa kovanambelewa vopolifi pamikalo di lili nadi lili fiyo a ya nokuli a ka mone ouhaku kokapangelona kaNemanya mOshikandjohoololo shaKahao. Read more about Omahepeko taa ningwa kopolifi
Submitted by Sun Reporter2 on Thu, 2013-04-04 08:44
Omukulunhu woshipangelo shaShakati okwa teelelwa a ka ninge omakonaakono nokutula kumwe omushangwahokololo molwa oshiningwanima osho sha halufa ovanhu mOnooli sha ningwa mOsoondaha yaPaasa.
Submitted by Sun Reporter2 on Thu, 2013-04-04 08:42
OSHAKATI - PLACIDO HILUKILWA
Omunangeshefa, omufitaongalo ye omunapolitika mukulu woSwapo, Otto Mwandingi Kapia, okwa mana eengeda moshipangelo shopaumwene mOngwediva shoMedi Park mEtivali komatango konima youyahame wefimbo lile.
Kapia okwa li nale Meya wodoolopa yaNdangwa noku li omunangeshefa a shiivika nawa, e na eengeshefa domaludi e lili naku lili, mwa kwatelwa ehangano lomafudiko. Kapia oye umwe womovakulunhuwiliki vehangano lokukwata eeshi mefuta Dune Fishing, olo omafiku a dja ko la yandjele omaano kovakwashiwana ovo tava dengwa kondjala moikandjohoololo Omuthiya nOnayena mOshitukulwa shaShikoto. Read more about Omunangeshefa Otto Kapia a xulifa
Submitted by Sun Reporter2 on Thu, 2013-04-04 08:26
Omupresidende wongudu yomhilameno, oDTA of Namibia, Katuutire Kaura omafiku a dja ko okwa talela po oshitukulwa shokOumbangalanhu waNamibia nokwa hambelelwa kovakwashiwana novayambididi vongudu yaye. Mefano eli Kaura (pokati) okwa fanekwa efimbo osheendo shaye sha fika peumbo lOmupedupresidende woDTA Phillemon Moongo pOmaalala mOshitukulwa shaShana. Moongo ota monika mefano eli kolulyo. Read more about Ta talele po
Submitted by Sun Reporter2 on Thu, 2013-04-04 08:23
OSHAKATI - PLACIDO HILUKILWA
Omunangeshefa Maurus Valombola mexuliloshivike ota wanifa eemwedi mbali modolongo, omo e li ta tamanekelwa edipao laBermhard Kalimbo.
Maurus Valombola, omunangeshefa wOmoshitukulwa shaMusati oo a kwatelwe po kopolifi muFebruali neudo shi nasha nefyo lomunamido 32 Bernhard Kalimbo, okwa holokele vali momhangu yaMangastrata mOutapi mEtitatu loshivike sha dja ko noshipofa shaye osha undulilwa komesho fiyo omafiku 12 Apilili.
Maurus Valombola ina pewa omhito yokulifutila mo nota kala konima yekumba fiyo efiku olo ta ka holoka vali momhangu. Read more about Valombola na kale modolongo
Submitted by Sun Reporter2 on Thu, 2013-04-04 08:22
Submitted by Sun Reporter2 on Wed, 2013-04-03 08:02
Omunhu umwe okwa fya poshikando na vakwao vahapu ova yahamekwa eshi oihauto ivali ye lidenga mumwe pomashakeneno ondjila yaMungwelume nondjila oyo ya dja mOshakati ya finda kOshikuku. Read more about Oiponga tai mane ovanhu
Submitted by Sun Reporter2 on Wed, 2013-04-03 08:02
OSHAKATI - PLACIDO HILUKILWA
Evava lOvanyasha voSwapo oli na elikwatopomutima molwa onghalo yoshikukuta oyo ya talela omuvalu munene wovakwashiwana ovo hava xupu mounamapya.
Pages
