Moshiwambo

Aantu omugoyi ya hulitha komalaria

Ominista yUundjolowele nOnkalonawa Bernard Haufiku pethimbo a popi megumbo lyomutumba gwopashigwana okwa kunkilile aantu mboka taya yi mOnooli yoshilongo ya kwashilipaleke kutya oyiigamena komukithi ngoka omudhipagi.
Pauyelele mboka wa gandjwa kuHaufiku, omukithi ngoka ogwa dhipaga aantu ya thika po-425, nomaso ogendji oga dhidhilikwa mOshitopolwa shaHangwena nOshana.
Haufiku okwa popi kutya omukithi ngoka ogwa taandele mUumbugantu waAfrika omimvo dha piti naNamibia okwa dhidhilike uupyakadhi wa faathana momvula yo-2013 no2014.
Read more about Aantu omugoyi ya hulitha komalaria

Category: 

Hane tamu kondolola Unam- Hangula

Omupeha -Chancellor gwOshiputudhilo shoUniversiti yaNamibia, Unam, Omuprofessa Lazarus Hangula okwa popi kutya aailongi oya tambulwa opo ya tsikile omailongo gawo moshiputudhilo shoka ihe hayo taya kondolola nokukwatela komeho iilonga yoshiputudhilo.
Hangula okwa popi ngaaka pethimbo kwa patululwa pambelewa iilonga yoshikako shonuumvo miiputudhilo ine yomOnooli yoshilongo, epatululo ndyoka lya ningilwa mOshiputudhilo shaHifikupunye Pohamba mOngwediva.
Read more about Hane tamu kondolola Unam- Hangula

Category: 

Epangelo inali mbangolota- Geingob

Omupresidende Hage Geingob okwa tsu omukumo aakumbinga momutumba gwopashigwana opo ya patathane ngene okwa pumbiwa tuu okutungwa opaliamende ompe na okwa popi kutya ye iikaha ye oya mangwa na ita vulu okwiidhopa metokolo ndyoka lya ningwa kaatotiveta.
Opaliamende ndjoka taku popiwa tayi tungwa otayi ka pula aakwashigwana iimaliwa ya thika poomiliyona 700.
Omuleli gwaNamibia okwa popi ngaaka pethimbo kwa patululwa omutumba omutitatu gwopaliamende ontihamano, na okwa ti okwa yakula omatumwalaka ogendji okuza kaantu taya pula opo a kalekwe etungo lyopaliamende ompe.
Read more about Epangelo inali mbangolota- Geingob

Category: 

Omukithi gwomalaria tagu dhipaga mOnooli

Omukithi ngoka gwa tukuka okwa lopotwa kutya ogwa nika oshiponga na ogwa etitha omuyalu gomaso guli pombanda oshowo omauvu.
Omukalelipo gwoWorld Health Organisation (WHO) Monir Islam okwa popi kutya iipotha oyindji mbyoka ya dhidhilikwa otayi kwatakanithwa noPlasmodium falciparum, ndjoka yili oludhi lwomalaria.
"Ndjoka onkalo yopaulumomhumbwe na oya pumbwa okuungaungaiwa nayo onga onkalo yopaulomomhumbwe," Islam a kunkilile. Read more about Omukithi gwomalaria tagu dhipaga mOnooli

Category: 

Omukiintu a sindi okankera

Sho a monika okankera yokomagundji, omukiintu ngoka okwa li e wete kutya eso lye olya thika ihe konima yomimvo 7 monena omukiintu ngoka okuli momwenyo na ke na we okankera.
Omanga ina monika okankera, Hedwig Hoveka ngoka a li ha longo mehangano lyokuwapaleka okwa kala e na oshitumba kegundji shoka a li e wete kutya oshinima owala.
Sho okwaako kwe kwa tameke taku ehama okwa dhilaadhila kutya ngiika oha longo owala unene na oha umbata iinima iidhigu.
Read more about Omukiintu a sindi okankera

Category: 

Mwene gomukunda ta tamanekelwa ekwatonkonga

Omulumentu gwoomvula 45, ngoka e li mwene gwolukalwa lwaOerwoud moTsintsabis mOshitopolwa shaShikoto, okwa tulwa miipandeko kopolisi na okwa holoka komeho gompangu yamangetrata mOshomeya ta pangululwa oshipotha shekwatonkonga.
Otaku hokololwa kutya Ncame Mishe, okwa yi miihulo nokanona kokakadhona dhoomvula 13, konima sho e ka pe iikolitha. Nakuninga oshihakanwa omunaskola gwondondo onti-5 moskola yomomudhingoloko ngoka.
Oshipotha shoka osha undulilwa komasiku 19 gaMei nomutamanekwa ota kala modholongo.
Oshiningwanima shoka osha holoka mEtiyali lyoshiwike sha piti.
Read more about Mwene gomukunda ta tamanekelwa ekwatonkonga

Category: 

Oshithima hasho we ondya ya kehe esiku

Omolwa oondando dhoka kwa tegelelwa dhi londe pombanda momwedhi twa taalela, ondando yuusila wepungu okwa tegelelwa yi londe pombada noonkondo naakwashigwana otaku tengenekwa kutya otaya ka kala nokulanda iikulya mbyoka yi na ombiliha ngaashi omakoloni, olwishi oshowo omboloto.
Ehangano lyoBokomo Namibia olya koleke kutya otali ka gwedhela oondando dhalyo dhuusila wepungu noopresenda 12 momasiku 8 gaFebruali omanga natango uusila mboka tawu ka londa pombanda noopresenda 15 momasiku 7 gaMaalista.
Read more about Oshithima hasho we ondya ya kehe esiku

Category: 

Oskola yopaumwene mEenhana ya pwatwa.

Aalongi oshowo aanaskola moskola yopaumwene mondoolopa yaEenhana ndjoka opo owala ya patulula omiyelo mOshitopolwa shaHangwena oya taalela onakuyiwa inayi tengenekwa sho Uuministeli wElongo wa gandja elombwelo opo oskola ndjoka yi pate omiyelo.
Amushanga ta kalele mUuminsiteli wElongo, Sanet Steenkamp okwa gandja elombwelo opo ku edhilwe meendelelo oskola yedhina Saint Michael English Private School molwaashoka aniwa oya patulula omanga inayi pewa omulilo omuzizi kuuministeli.
Read more about Oskola yopaumwene mEenhana ya pwatwa.

Category: 

Ta lumbu nuulema ihe okuna omukumo monkalamwenyo

Johannes okwa valelwa mEengodi mOshitopolwa shaShikoto nuuvu tawu ithanwa Tetra-amelia syndrome mboka hawu etitha opo omaako nomagulu ka ga koke pamwe nolutu.
Oya valwa yeli omugoyi ihe yamwayina kaye na uupyakadhi mboka.
Sho e na oomvula hamano, Johannes ota vulu nale okushanga oombapila a kwatitha opena noohulo dhomapepe ge.
Yina, Hilima Jeremiah, okwa popi kutya nonando okanona ke oka valwa nuulema, oke na omagano na oka hala ka kaninge omulongiskola. Read more about Ta lumbu nuulema ihe okuna omukumo monkalamwenyo

Category: 

Ofamili taya pula Kaapanda omukwanezimo gwawo

Ominista nale yokabinete kaNamibia otayi pulwa pamwe nopolisi opo ya gandje omayamukulo nuuyelele omolwa ekano lyomuniilonga mohambo yaminista ngoka, omuniilonga ngoka a kana muAguste gwomvula ya piti.
Aakwanezimo yomulumentu ngoka a kana muAguste gwomvula ya piti, okuza kohambo yominista nale Joel Kaapanda mOnamatanga mOshitopolwa shaMusati onkene taya pula omayamukulo okuza kuKaapanda oshowo kopolisi.
Aakonaakoni yopolisi oya a dha omasipa gomuntu momudhingoloko ngoka, ihe inaku kolekwa natango ngele ogomulumentu ngoka taku popiwa a kana.
Read more about Ofamili taya pula Kaapanda omukwanezimo gwawo

Category: 

Pages

Partner Links